Tapas – Saadhana 2026-27 Applications Open on 1st Nov 2025

ಸೂಚನೆ: ತಪಸ್-ಸಾಧನಾ ಪ್ರವೇಶಾತಿ 2026-27

2ನೇ ಸಪ್ಟೆಂಬರ್ 2025
ಬೆಂಗಳೂರು

ಆರ್ಥಿಕವಾಗಿ ಸಬಲರಲ್ಲದ ಪ್ರತಿಭಾವಂತ ಹುಡುಗ/ ಹುಡುಗಿಯರಿಗೆ IIT ಹಾಗೂ ಡಾಕ್ಟರ್ ಕನಸನ್ನು ನನಸು ಮಾಡುವ ತಪಸ್-ಸಾಧನಾ 2026-27ನೇ ಸಾಲಿನ ಪ್ರವೇಶ ಪರೀಕ್ಷೆಗೆ 1ನೇ ನವೆಂಬರ್ 2025ರಿಂದ ಅರ್ಜಿಗಳನ್ನು ಆನ್‌ಲೈನ್‌ನಲ್ಲಿ ಸ್ವೀಕರಿಸಲಾಗುವುದು.

• ತಪಸ್-ಸಾಧನಾ ಜಾಲತಾಣ: tapassaadhana.rashtrotthana.org
• ಮೊದಲ ಪ್ರವೇಶ ಪರೀಕ್ಷೆ: 25ನೇ ಡಿಸೆಂಬರ್ 2025ರಂದು ನಡೆಯಲಿದೆ.

ಯಾರು ಅರ್ಜಿ ಸಲ್ಲಿಸಬಹುದು?

• ಹುಡುಗರು IIT-JEE ತರಬೇತಿ ಹಾಗೂ PU ಶಿಕ್ಷಣಕ್ಕೆ ಅರ್ಜಿ ಸಲ್ಲಿಸಬಹುದು.
• ಹುಡುಗಿಯರು NEET/ CET ತರಬೇತಿ ಹಾಗೂ PU ಶಿಕ್ಷಣಕ್ಕೆ ಅರ್ಜಿ ಸಲ್ಲಿಸಬಹುದು.
• ಪ್ರಸ್ತುತ 10ನೇ ತರಗತಿಯಲ್ಲಿ ಓದುತ್ತಿರುವವರಾಗಿರಬೇಕು.
• 9ನೇ ತರಗತಿಯ ವಾರ್ಷಿಕ ಪರೀಕ್ಷೆಯಲ್ಲಿ ಕನಿಷ್ಠ 90% ಅಂಕ ಗಳಿಸಿರಬೇಕು.
• ಕುಟುಂಬದ ವಾರ್ಷಿಕ ಆದಾಯ ರೂ. 3 ಲಕ್ಷಕ್ಕಿಂತಲೂ ಹೆಚ್ಚಿರಬಾರದು.

ವಿಶೇಷ ಸೂಚನೆ:

• ಅರ್ಜಿ ಸಲ್ಲಿಸಲು ಯಾವುದೇ ಶುಲ್ಕ ಇರುವುದಿಲ್ಲ.

ಸಂಯೋಜಕರು
ತಪಸ್-ಸಾಧನಾ

—

ರಾಷ್ಟ್ರೋತ್ಥಾನ ಪರಿಷತ್ ಕಳೆದ 60 ವರ್ಷಗಳಿಂದ ವಿವಿಧ ಆಯಾಮಗಳಲ್ಲಿ (ಸಾಹಿತ್ಯ, ಸೇವೆ, ಆರೋಗ್ಯ, ಶಿಕ್ಷಣ) ಸ್ವಸ್ಥ-ಸುಸ್ಥಿರ-ಸಮಾಜನಿರ್ಮಾಣದ ಕಾರ್ಯದಲ್ಲಿ ತೊಡಗಿದ್ದು, ಆರ್ಥಿಕವಾಗಿ ಸಬಲರಲ್ಲದ ಪ್ರತಿಭಾವಂತ ಹುಡುಗ/ ಹುಡುಗಿಯರಿಗೆ IIT ಹಾಗೂ ಡಾಕ್ಟರ್ ಕನಸನ್ನು ನನಸು ಮಾಡುವ ತಪಸ್ (2012ರಿಂದ) – ಸಾಧನಾ (2017ರಿಂದ) ಯೋಜನೆಗಳನ್ನು ನಡೆಸಿಕೊಂಡುಬರುತ್ತಿದೆ.

IIT-JEE ಎಂಜಿನಿಯರ್ ಕನಸನ್ನು ನನಸಾಗಿಸಲು ತಪಸ್ ಯೋಜನೆಯಲ್ಲಿ…

• ಹುಡುಗರಿಗೆ 2 ವರ್ಷಗಳ IIT-JEE ತರಬೇತಿ ಹಾಗೂ PU (CBSE) ಶಿಕ್ಷಣವನ್ನು BASE ಸಂಸ್ಥೆಯ ಸಹಯೋಗದೊಂದಿಗೆ ಉಚಿತವಾಗಿ ಕೊಡಮಾಡಲಾಗುತ್ತದೆ.
• ಜೊತೆಗೆ ಊಟ, ವಸತಿ, ಶೈಕ್ಷಣಿಕ ಸಾಮಗ್ರಿಯನ್ನು ಉಚಿತವಾಗಿ ಒದಗಿಸಲಾಗುತ್ತದೆ.

ಡಾಕ್ಟರ್ ಕನಸನ್ನು ನನಸಾಗಿಸಲು ಸಾಧನಾ ಯೋಜನೆಯಲ್ಲಿ…

• ಹುಡುಗಿಯರಿಗೆ 2 ವರ್ಷಗಳ NEET/ CET ತರಬೇತಿ ಹಾಗೂ PU (CBSE) ಶಿಕ್ಷಣವನ್ನು BASE ಸಂಸ್ಥೆಯ ಸಹಯೋಗದೊಂದಿಗೆ ಉಚಿತವಾಗಿ ಕೊಡಮಾಡಲಾಗುತ್ತದೆ.
• ಜೊತೆಗೆ ಊಟ, ವಸತಿ, ಶೈಕ್ಷಣಿಕ ಸಾಮಗ್ರಿಯನ್ನು ಉಚಿತವಾಗಿ ಒದಗಿಸಲಾಗುತ್ತದೆ.